Италијанката Лисета Форнари преживеала две светски војни и три епидемии, а денеска наполни 109 години.
Лисета е родена на 15 април 1911 година. Како шестгодишно дете заболела од шпанска треска, но се излекувала, а сега е во изолација за да се заштити од новиот вирус, јавува италијанскиот весник „Република“.
Таа вели дека во текот на Втората светска војна „барем имало меѓучовечки односи, а не како сега“ кога е изолирана и не е во можност да ја користи технологијата за да комуницира.
Лисета се надева дека 110.роденден ќе го прослави со забава. Нејзината тајна за долговечност се лесни оброци со чаша вино, без цигари и стрес, но и со став дека секој ден е како подарок.
Во Италија досега починаа повеќе од 21.000 луѓе од КОВИД-19.
