Во тек е прес-конференција на министерот Венко Филипче и директорката на ДСЗИ Иринка Сотирова-Бухова. Освен за моменталната состојба со Ковид-19 во државата, Филипче се осврна и на (не)почитувањето на мерките од страна на граѓаните по намалувањето на полицискиот час.
– Деновиве видовме совесни граѓани кои ги почитуваат мерките, но видовме и голем број кои не ги почитуваат. Веќе побарав казнувањето да почне порано, а не на први мај, бидејќи се плашиме од несакани ефекти. Во зависност од тоа ќе донесеме и одлука како ќе биде организиран следниот празничен викенд – порача министерот Филипче.
