Што е за вас светот, прашува поп-ѕвездата Тамара Тодевска во најавата на нејзиниот нов рефрен, темата „Светот е..“, инаку дует со нејзиниот близок пријател и соработник Роберт Билбилов. Премирата не случајно е денес кога докажаниот музичар и продуцент слави роденден.
Во карантинскиот спот кој го осмисли Зоран Зонде Стојановски, покрај Тамара и Билбилов, се појавуваат многу нивни пријатели, познати ликови од домашната сцена. Меѓу нив се и водителките Елена Стефановска и Миа Костова, топ-моделот Катарина Ивановска, децата од „Дајте музика“ со нивниот ментор, актерката Весна Петрушевска, Антониа Гиговска, Александар Тарабунов..
– Дечки, еве една за Светот. Благодарам на сите што бевте така добри колку што сте убави и прифативте да сте дел од овој наш карантински спот. Роберт среќен роденден и уште многу вакви дуети и песни да си имаш. Светот е… (Што е за вас светот?) За мене е моето семејство и музиката. Ве сакам! – напиша Тамара на „Фејсбук“.
Уживајте!
