Во дојранско Сретеново денеска беше погребана жената-херој, жената која успеа да нѐ обедини, жената што испиша историја! Најблиските денеска се простија од Емилија Динева, жената чие срце и бубрези се донираа, откако го изгуби животот во сообраќајна несреќа.
Со Емилија се прости и македонскиот актер и шоумен Игор Џамбазов кој поголемиот дел од самоизолацијата го поминува токму во Сретеново.
– Денес, на гробиштата во Сретеново, Дојран ја испрати својата сограѓанка и пријателка, Емилија Динева, чие срце вчера спаси еден човечки живот, а нејзините бубрези ќе спасат уште два.
Почивај во апсолутен мир, пријателке Емилија. И да знаеш.
Твоето семејство нѐ потсети што значи да се биде хуман и во најтешките моменти. Твоите најблиски покажаа колку големо срце имаат.
Срце големо колку просторот од твоето Јосифово, до нашиот единствен Дојран. Диневи, Ви се поклонувам до земја! – напиша Џамбазов.
МОЖЕБИ ЌЕ ВЕ ИНТЕРЕСИРА:
Рано останал без мајка, слави за животот на татка си: Васил ја отвори душата
Емилија му се радуваше на внучето, беше посветена мајка и сопруга
Тема за која малку се зборува: Кој може да биде дарител на органи и кога?
Крвната група открива многу за нас: Ќе се изненадите од точните податоци!
