Жена од Чиле на возраст од 111 години комплетно се опоравила од коронавирусот, јавуваат локалните медиуми.
ТВ-станицата 24 horas информира дека жената била позитивна на Ковид-19 откако била тестирана на 12 април. Лекарите кои се грижеле за неа велат дека едвај покажувала симптоми.
– Само еднаш или двапати имаше покачена температура, но немаше кашлица – изјави директорката на старечкиот дом во кој е сместена оваа супербабичка, дополнувајќи дека жената порано имала проблеми со дишењето.
Првиот случај на коронавирус во Чиле беше регистриран на трети март. До денес во таа земја се регистрирани речиси 78.000 заболени од кои над 800 починаа.
