Анестезиолозите во ГОБ „8 Септември“ каде што секојдневно се примаат најтешките пациенти заразени со Ковид-19 имаат исклучително напорни смени, објаснува за „Фактор“ директорот, д-р Христијан Костов.
– Во моментов во болницата има вкупно 107 пациенти, од кои 92 се со коронавирусот. Тоа се навистина најтешките пациенти кои тука доаѓаат не само од Скопје, туку од цела Македонија. Дури 90 проценти од нив се со кислородна поддршка, а во моментов имаме седум кои се на респиратор и четворица на сипа, што е исто така респираторен апарат, но пациентот е полубуден. Оние анестезиолози кои останаа во ГОБ „8 Септември“, а сега се вкупно 11 откако две колешки дадоа отказ, работат по двајца во смена. Смените им се пеколни – раскажува д-р Костов.
Фотографии од мачното секојдневие на пациентите и медицинскиот кадар во ГОБ „8 Септември“ погледнете ТУКА!
