Експертите прогнозираат дека една доза вакцина против коронавирус веројатно нема да биде доволно ефикасна. Тие дошле до овие сознанија по истражувањето што покажало дека антителата во организмот исчезнуваат за неколку недели, односно месеци, пишува „Бизнис инсајдер“.
За да се има ефикасна заштита од вирусот, лицето ќе мора да добие најмалку две дози вакцина, а ќе мора да има и ревакцинација.
Ова се темели на досегашните факти дека некое лице може да биде заразено со коронавирус повеќе од еднаш, што не е случај со некои други вируси. Сепак, нема јасни докази дека тоа е навистина случај.