Вакцината не е во календар и нема да биде задолжителна, барем не на почеток. Ќе видиме како ќе се одвиваат работите, кои ќе бидат препораките. Ова вечерва го истакна министерот за здравство, Венко Филипче, во емисијата „Само вистина“ на Канал 5 телевизија.
Филипче нагласи дека за пристап до вакцината постојат два механизма. Едниот преку СЗО механизмот наречен КОВАКС, преку кој оваа организација се обврза еднакво да дистрибуира вакцина до сите земји се додека не се вакцинира 20 отсто од населението.
Вториот механизам земјава да дојде до вакцина е преку ЕУ. Оксфордската вакцина која се очекува да ја произведува Астра Зенека земјава ќе може да ја добие преку поласката амбасада која ни дала понуда да купиме одреден број дози од тие кои ќе им бидат доделени ним.
„Реалните очекувања се вакцината да биде достапна на почеток на 2021 година“, рече Филипче.
