По долго и тешко боледување почина реномираниот хрватски продуцент Миро Видовиќ.
Во естрадните кругови беше познат како исклучителен професионалец, уметник кој соработуваше со речиси сите имиња кои нешто значат на регионалната музичка сцена.
Од него со емотивен статус се прости и Калиопи.
„Тивко живееше, тивко чекореше, тивко зборуваше, тивко се бореше и тивко си замина, мил мој брате.. Единствено твоите дела не се тивки.. Тие ќе останат засекогаш! Беше преубаво со тебе да се создава музика. Почивај во мир убавино. Сестра Опи“, напиша македонската поп-дива на „Инстаграм“.
