Човечкиот пептид кој што се нарекува брадикинин, многу веројатно е одговорот за разновидните, понекогаш и смртоносни симптоми кои што се забележани кај пациентите заразени со коронавирусот.
Лекови за контрола на брадикинин веќе постојат, а моментално се спроведуваат нови тестирања на пациентите кои што се заболени од Ковид-19, со цел потенцијална нова терапија.
Брадикининот помага во регулирање на крвниот ток, а кај некои луѓе, новиот коронавирус очигледно дека прави производството на брадикининот да биде многу пообилно.
Брадикининот ги шири крвните садови и ги прави попроточни, а високата количина брадикинин може да доведе до протекување на крвта од крвните садови, особено во подрачјата на телото кои што се побогати со нив, како што се белите дробови.
Ренука Роче од Универзитетот во Мичиген вели дека таквата „бура“ во човечкото тело може да објасни зошто толку аспекти од Ковид-19 се различни, како болки во мускулите или, пак, поблаг облик на болеста кај жените за разлика од мажите.
