Благица Павловска тврди дека коронавирусот е измислена болест.
Популарната македонска пејачка не стравува од зараза поради, како што вели, нејзиниот силен имунитет.
„Пред секое патување, и а воопшто кога сум дома, правам инхалација со морска сол и со јаболков оцет. Со години себеси се третирам со солена вода, се парам со солена вода и се мачкам со оцет. Правам пареа на лицето, инхалација на грлото. За осми март пеев во Канада, па бев во Швајцарија. Тоа беше почетокот на корона кризата кај нас. Интересно е што дозвола за настапи имаше само локалот каде што пеев јас, во другите не беше дозволено и настапот ми помина одлично. Веднаш откако се вратив, се заострија мерките“, вели Павловска за „Женски магазин“.
Таа нагласува дека е отпорна на сите вируси, затоа што нејзиниот организам создал имунитет.
„Да не даде Господ овој вирус да дојде до било кој од нас, но јас сметам дека мојот организам е борец“, вели Благица која смета дека од сите лоши нешта ја штити и нејзината верба во Бог.