Хрватскиот музичар Роко Јелиќ, член на далматинската клапа „Пунтамика“, почина на 35 години во болницата во Задар.
Неговите колеги раскажуваат дека првпат забележале дека нешто не е во ред со него пред неколку недели, кога славеле роденден на ќерката на еден од членовите на клапата.
„Беше видно ослабен, призна дека е болен и дека мора да се лекува“, раскажува неговиот соработник Марио Стефаниќ.
Роко позади себе остави две малолетни деца, син и ќерка. Свиреше мандолина, а во „Пунтамика“ музицираше последните три години. Беше и асистент на Поморскиот факултет во Задар.
– Беше вреден, скромен и чесен човек. Секогаш со топла насмевка од уво до уво. Никогаш не покажуваше нервоза. Едноставно пријател кој никогаш нема да умре во нашите срца – едногласни се неговите колеги.
