По пауза од речиси една деценија, македонската фолкерка Јованка Житарова направи камбек на домашната сцена, овојпат со поп-рефрен кој, според прегледите на „јутјуб“, добро поминува кај публиката.
Пејачката со години живееше во Америка кадешто се реализира и како сопруга и мајка, но во меѓувреме се разведе и сега повторно е дома.
– Добро е што постои развод. За причините не сакам да зборувам. Ниту сум прва, ниту последна. Важно е да се среќни децата за кои секогаш ќе се борам. Останав во добра комуникација со Роберт да ги изведеме на вистинскиот пат. Не се каам за ништо во животот што сум направила до сега. Ѝ се вратив на музиката, но секогаш приоритет ќе имаат близначињата Зои и Картер – раскажа Житарова во интервју за естрадниот магазин „Бекстејџ“.
