Д-р Драгош Стојановиќ, директорот на Клиничко-болничкиот центар Земун, во интервју за српската национална телевизија објасни колку трае опоравувањето на заразените од Ковид-19 и која е најопасната грешка којашто можат да ја направат.
– Доколку повеќе чекаат, компликациите ќе бидат поголеми. Непредвидливо е какви последици вирусот ќе остави на организмот. Времетраењето на примарното лекување е од 7 до 10 дена во зависност од тежината на клиничката слика. Доколку има компликации, може да трае и до еден месец. Потоа, кога се пуштаат на домашно лекување, опоравувањето трае најмалку три месеци. Пациентите не може да очекуваат дека сѐ ќе се врати по старо и не треба да се обидуваат на сила да го јакнат организмот. Потребно е време – појасни д-р Стојановиќ.