Каролина Гочева порасна пред камерите.
Во нејзината биографија се запишани стотина композиции, низ годините менуваше различни стилови, но малкумина знаат дека има една песна, инаку голем македонски хит, која таа одбила да ја сними.
Реномираниот композитор Григор Копров пред неколку години сподели една интересна информација. Авторот на многу поп и фолк евергрини откри дека популарната „Самовилска свадба“ прво ја понудил на менаџерите на Гочева.
Откако Каролина ја одбила, песната, како што веќе сите знаете, ја сними Сашко Гигов-Гиш и стана морален победник на домашниот евровизиски избор на кој првото место му припадна на Владо Јаневски со „Не зори зоро“. Интересен момент е што и оваа композиција беше дело на Копров.