Според неофицијални информации, најмладата жртва во денешниот силен земјотрес што ја погоди Хрватска е 13-годишна девојка по потекло од Србија, пренесуваат медиумите.
Таа настрадала во Петриња, имала само 13 години, а еден маж очајно се обидувал да ја реанимира цели 40 минути.
– Врз неа падна дел од куќа. Ја познавав и се обидував да ја вратам во живот повеќе од 40 минути. Ми почина на раце – со насолзени очи изјавил мажот кој се обидел да ја спаси.
Градоначалникот на Петриња, Даринко Думбовиќ, потврди дека во земјотресот загинала девојка.
До овој момент, вкупниот број на жртви изнесува седум.
