Почнете ја годината како што треба
Постојат повеќе верувања за тоа како треба да ни почне годината за истата да ни биде среќна и успешна.
Едно од поважните суеверија е на први јануари да не изнесувате ништо од куќата.
На првиот ден во новата година според некои верувања не треба да се јаде пилешко или мисирка. Причината е што птиците некогаш се сметале за „валкани“ и се верува дека од „нечистотијата“ што ја внесувате во куќата нема да може да се ослободите во наредните 364 дена.
Не е добро ниту претерано да се работи на први јануари. Голем ангажман, особено започнување на нова активност на овој ден, значи дека нема да биде просперитетно, туку напротив осудено на неуспех.
Дајте се од себе за да бидете во добро расположение, затоа што постои верување дека емоциите што ќе ги имате на први јануари ќе ве следат во текот на целата година.
