fbpx

Мојот херој, душичке наша: Се огласи синот на Зоран Џорлев

Наско Џорлев, постариот син на нашиот музички виртуоз Зоран Џорлев, се огласи на социјалните мрежи по смртта на татка си кој вчера ја загуби битката со коронавирусот. Неговиот статус ви го пренесуваме во целост.

„Вчерашниот ден беше најтажниот ден што се има случено на мене и на моето семејство. На вчерашниот ден сфатив дека животот е толку суров и до крај ќе остане исполнет со тага, на местото каде што ми се откина дел од душата. Моето семејство и светов изгуби еден од најдобрите луѓе кои постоеле и ќе постојат. Полн со живот, позитива и безрезервна љубов за сите во неговиот живот. Имаше многу планови за што понатаму, никогаш не се откажуваше, неговиот оган гореше силно до крај. Во плановите не’ имаше вклучено мене и брат ми секогаш, таман дури почнавме и да свириме заедно поредовно. За секој имаше време да посвети внимание, секогаш сакаше да помогне, без разлика колку и да беше близок, се додека му треба помош. За секој имаше љубов и разбирање, и се правеше од срце и на чесен начин на кој повеќето луѓе не можат ни да замислат. Другар, искрен и добар, народен човек, мојот херој. Мојот татко, мојот прв пријател, моето се’. Се’ што имам е од татко ми, се’ што сакам и правам денес е поради татко ми, се’ ми имаш пружено. Се’ што ќе продолжам да правам е ЗА ТАТКО МИ. Фала ти тато за се’, тато е најдобар тато, душичке наша! За него, славете го неговото име и паметете го засекогаш, а плачете го вчерашниот ден! Оваа слика е последната наша заедничка, кога ја редевме елката. Му ја испративме заедно со еден дедо мраз како поклонче за нова година. Последниот здив го има испуштено држејки ја. Зоран Џорлев – сопруг, татко, брат, другариште, човечиште, маестро.. Те сакаме, немаш појма колку ќе ни фалиш, засекогаш и повеќе! Твоите Наско, Мартин и Офелија“.

Следни Објави

Не замина во Канада поради татка си: Семејната тајна на Зоран Џорлев

Кога на Зоран Џорлев пред десетина години му се оствари животниот сон да има своја куќа, тогаш ја решил и дилемата дали да остане со семејството во родната земја. Аманетот на татка си го предомислил да не замине во Канада. Патиштата господови се чудни: Љубовната приказна на Зоран Џорлев – […]