fbpx

Лиснати гранки и растопена маст: Народни верувања за Бадник

Најзначајниот, но и најбогатиот со обичаи празник е токму Бадник. Иако се смета за христијански празник, народот низ минатото, па и денес го прославува на начин кој тешко може да се карактеризира како христијански.

Повеќето бадникови и божиќни обичаи се темелат на сознанието дека во овие денови почнува новата година и на верувањето дека токму тогаш се одлучува судбината на домот и оние кои живеат во него за наредниот едногодишен период.

Скоро сите магиски и култни обреди за овие празници се инспирирани од желбата за посреќна година и напредок во неа.

Еве неколку од тие стари, народни обичаи кои сè уште се почитуваат во некои подрачја:

-Не е убаво на Бадник да се заспие додека не прегори бадниковото гранче, бидејќи некој од станарите ќе умре без предзнак.

-На Бадник ништо не се позајмува од куќата. Не е убаво она што припаѓа во домот да биде надвор од него на Божиќ.

-Кога станарите си легнуваат, бабата или некоја друга постара жена од фамилијата забодува нож во внатрешната страна на вратата и на него закачува малку лук, за станарите да бидат заштитени од уроци, вештерки и нечисти сили.

-На Бадник не е убаво огнот да се разгорува со дување, за ветрот да не ја одвее пченицата. Наместо со дување, тој се распалува со лиснати гранки.

-Жените на овој ден не треба да работат бидејќи така ќе им ги затворат устите на ѕверовите.

-На Бадник, кога ќе се завршат сите работи, во една чинија се растопува маст и во неа се огледуваат сите станари. Кој што нема да ја види својата глава, тој ќе умре во текот на годината.

-Ако е облачно на Бадник, годината ќе биде плодна. Ако во огништето има многу пепел, се верува дека зимата ќе има многу снег. Ако на Бадник искрите од огнот излегуваат сами, иако никој не го чепка огништето, се верува дека ќе има многу мед и богатство.

Следни Објави

Даде многу за Македонија: Кој е камионџијата што почина во Холандија?

Неговата прерана смрт е голема загуба за одбојката во Крушево и воопшто во Македонија, пишуваат на социјалните мрежи за 54-годишниот Тодор Ѓоргиески, камионџијата кој ненадејно почина на работна должност во Холандија. Ѓоргиески е долгогодишен одбојкар, тренер и спортски работник. Почна да игра одбојка со голема страст во 1980 во подмладокот […]