Познатиот македонски пејач има со што да се гордее
Ана и Јана одлично ја прифатија Јасмина затоа што сфатија дека е личност која ќе се грижи за нив како да им е биолошка мајка. Одат заедно на кафе и на шопинг, откри во едно интервју Миле Кузмановски кој осум години по смртта на сопругата Вера, повторно е среќен семеен човек и татко.
Од вториот брак со Јасмина, инаку вработена во Црвен крст, ја има и ќерката Ева.
– Додека беа помали, таа им помагаше многу околу учењето. Сега веќе во средно училиште е друго, затоа што ние не знаеме многу од материјалот од стручните предмети. Но, ете, притискаме и јас и таа да учат, да станат свои луѓе, кога ќе пораснат да не зависат од никого – изјави Миле за својата сопруга и за ќерките.
Близначките Ана и Јана сега се средношколки и учат медицина.
Кузмановски за естрадниот магазин „Бекстејџ“ минатата година се присети на агонијата која морал да ја помине по загубата на неговата прва сопруга.
– Се чувствував емотивен и празен, но собрав храброст и сили да продолжам понатаму, најмногу поради ќерките – искрено порача тој.