Повремено се појавува по некоја американска ѕвезда за која Јелена Карлеуша тврди дека ѝ ги краде идеите кога е стајлингот во прашање. Овојпат, повторно на мета беше Ким Кардашијан, а фановите на српската пејачка организирано атакуваа на инстаграм-профилот на светски познатата ѕвезда од реалните шоуа обвинувајќи ја дека бесрамно го копира нивниот идол.
Сличен „инцидент“ се случи и пред неколку години. Тогаш Ким објави фотографија од Карлеуша на нејзиниот официјален сајт и ѝ порача дека е една од жените од коишто се инспирира. По овој гест, популарната водителка Венди Вилијамс зборуваше за Јелена во нејзиното ток-шоу, наведувајќи дека дури и славната Бијонсе ископирала еден нејзин стајлинг. Во таа прилика ја нарече српската Мадона или Лејди Гага.
Во септември минатата година, Карлеуша наведе уште една ѕвезда дека ја копира, американската актерка и пејачка Доја Кет.
„Што да кажам , ме сакаат во Америка“, тогаш самоуверено порача Карлеуша.
