Водителката Јована Јакиќ која своевремено ги посетувала часовите на Мика Алексиќ, денеска во живо во утринската програма на српската телевизија Хепи откри дека „блудни работи“ се случувале и во актерската школа на познатиот актер, режисер и педагог Бата Миладиновиќ, инаку ментор на уапсениот наставник по глума кој е обвинет за силување и за сексуално злоставување.
По тој повод се огласи и актерката Маријана Ѓорѓевиќ Обрадовиќ. Таа гостувајќи во друга емисија на истата телевизија ги потврди зборовите на Јакиќ дека „и во двете школи имало систематски организирано злоставување“.
– „Овој дедо е заљубен во мене“, им реков на родителите кои веднаш организираа состанок со Миладиновиќ. Тој се вадеше дека бил заљубен во мојот талент. Тоа што веднаш ги напуштив часовите е поради тоа што научив да бидам таква, благодарение на моите родители. Секогаш сум покажувала емоции, но тоа не значи дека тоа искуство е комплетно закопано во минатото. Тоа се длабоко вкоренети стресови. Јас имав 13, а тој околу 80 години. Бргу по овој инцидент тој се пресели, се разболе и почина. Не дојде до сексуален чин, јас успеав да побегнам – тврди таа.
Инаку, српскиот режисер, сценарист и учител по глума Мирослав Мика Алексиќ ги негира обвинувањата на Милена Радуловиќ за силување и за сексуално злоставување. Во меѓувреме, проговорија уште неколку девојки и жени кои го обвинија за истите дела, а судот му одреди притвор.
* Текстот не смее да биде превземан без дозвола на редакцијата на МАСТИЛО.
