fbpx

Се гушнавме и плачевме: Ребека проговори за починатиот Упа

Прераното заминување од овој свет на македонскиот актер Љупчо Тодоровски денеска вознемири многу негови колеги, но и други познати личности кои имале прилика да соработуваат со него.

Со емотивна посвета од популарниот Упа кој почина од коронавирус, се прости и легендарниот шоумен Игор Џамбазов.

„Каде пријателе мој? Ни поздрав, ни порака, ни средба, ништо.. Барем да ми се јавеше, и во твој стил да ми кажеше: „Шо праиш бе детиште?“. И ти беше едно големо дете, поголемо дури и од мене. А серијата? А филмот? А нашата заедничка турнеја низ Македонија на која ќе го рецитиравме Блаже, Гане, Петре, Анте, Миладиновци?
Почивај во мир, драг мој другар, солзи одамна немам да ве исплачам сите Вас што така лесно не напуштате. Збогум Упа!“, напиша Џамбазов на „Инстаграм“.

На неговата објава се надоврза позната пејачка и хуманиста Ребека Јанковска Ристеки.

„Солзи многу протекоа. Живот меѓу ѕидови, во неизвесност и страв. Упа беше човек со големо срце. Ми се јави пред неколку години за да ме вклучи во еден преубав негов проект, да пеам во Охрид. Со големо жалење му соопштив дека нема да можам, освен ако најде некој што ќе ми ги чува децата еден месец и некој што ќе биде со најголемиот батко. Потоа посака да рецитира стихови од Блаже на Балот на различности и рецитираше, а потоа се гушнавме позади сцена и плачевме. Царство небесно драг наш Упа“, искоментира таа.

Текстот не смее да биде превземан без дозвола на редакцијата на МАСТИЛО.

Следни Објави

Алексиќ проговори за силуваните девојки: Неговиот адвокат ги откри сите детали!

Професорот по глума Мирослав Мика Алексиќ кој се наоѓа во притвор конечно му се доверил на својот правен застапник. Неговиот адвокат Зоран Јаковљевиќ им откри на медиумите детали од разговорот со својот клиент. – На прашањето дали злоставувал некоја од актерките кои го обвинуваат за силување, тој ми одговори негативно. […]