Победникот во првата сезона на регионалното музичко шоу „Никогаш не е доцна“ е пронајден мртов во неговиот стан во Германија.
Станоје Станковиќ, многу попознат како Кале Дијамант, имаше само 54 години, а според првичните сознанија починал од срцев удар.
Последните денови од животот ги поминал во Дизелдорф и не покажувал знаци дека му е влошена здравствената состојба. Сепак, последните два дена не се јавувал на телефон, па неговото семејство алармирало во полицијата.
– Почина нашиот крал за народна музика. Засекогаш остануваш во нашите срца, за нас се’ уште си жив. Најдобар татко, најдобар дедо и најголема наша ѕвездо, почивај во мир. Те сакаат твојата ќерка, сопругата и внуците – стои во официјалната објава на семејството Станковиќ.
Во тек е обдукцијата, а датумот за погреб дополнително ќе биде соопштен.
* Текстот не смее да биде превземан без дозвола на редакцијата на МАСТИЛО.
