Најблиските роднини, но и голем број пријатели денеска присуствуваа на погребот на 15-годишниот Драган Дрљиќ од Панчево.
Момчето кое, како што пренесоа српските медиуми, си го одзеде животот поради невозвратена љубов, ја вознемири јавноста во целиот регион. Пред неколку дена полицијата конечно го пронајде неговото безживотно тело во реката Тамиш.
„Наместо свадба, му организирам погреб“, им изјави на новинарите низ плач неговата мајка Данијела.
Истрагата потврди дека Драган го испланирал самоубиството до најситните детали.
Неколку дена пред трагичниот настан раскинал со девојката и тоа силно го погодило. На блиските им рекол дека животот повеќе му нема смисол.
За девојката подготвил проштално писмо и подарок (нејзините омилени стрипови). Ги оставил кај негова блиска другарка на која ѝ напоменал да не ги отвора наредниот ден до 16 часот.
* Текстот не смее да биде превземан без дозвола на редакцијата на МАСТИЛО.
