Осомничениот Марјан С. кој во саботата ладнокрвно ја застрела 27-годишната Сара А. од Врање изврши самоубиство.
Откако полицијата успеала да го лоцира во визба на една семејна куќа, половина час го убедувала да се предаде, но залудно.
На видеото кое го објави РТВ Врање осомничениот во еден момент вели дека имал еден од полицајците на нишан, но дека не сакал да го убие.
Непосредно пред да си го одзеде животот, Марјан бара чаша вода извикувајќи дека „не сака да замине жеден на оној свет“.
Медиумите претходно објавија и вознемирувачко видео на кое се гледа саботното убиство на 27-годишната Сара А.
На видеото од безбедносните камери на бензинската пумпа во Врање се гледа како осомничениот Марјан С. (47) седи на маса со жртвата, ѝ го покажува телефонот, тивко разговараат, а потоа станува, вади пиштол и ја убива со неколку куршуми.
* Текстот не смее да биде превземан без дозвола на редакцијата на МАСТИЛО.
