Потресната животна приказна на Љупче Смилев, 23-годишниот самохран татко од Штип, ја крена Македонија на нозе.
Откако си ја отвори душата во емисијата „Срце на Дланка“ и раскажа со какви предизвици се соочува, особено откако ги напуштила мајката на детето, бројни граѓани и хуманитарни организации се заинтересираа за случајот.
Градоначалникот на Штип, д-р Сашко Николов, сподели убави вести на неговиот официјален фејсбук-профил и откри дека оваа тажна приказна добила среќен крај.
„Љупче Смилев од денес почна со работа. Неговото синче од денес е во градинка, заедно со своите другарчиња. Хуманоста на Штип и штипјани на дело. Благодарност до Центарот за социјални работи, Црвениот крст и хуманите штипјани“, напиша Николов и објави две фотографии.
* Текстот не смее да биде превземан без дозвола на редакцијата на МАСТИЛО.