Поп-ѕвездата Елена Ристеска лани на својот профил на „Инстаграм“ сподели фотографија на која позира без шминка.
„Можеби е храбро да се постираат такви слики, но секој треба да си ги сака своите несовршености. Јас моите си ги сакам!“, им порача таа на своите фанови.
Овој предизвик го прифати и нејзината колешка од фолк-сцената, атрактивната Елена Велевска.
Со правила немаше никаде да стигнам: Велевска по малтретирањето и разводот
Облечена во тренерки без грам шминка на себе си направи селфи додека се опушта со читање, а оние кои ја следат на социјалните мрежи ѝ порачаа дека природниот „лук“ одлично ѝ прилега.
Дека познатите Македонки немаат комплекс за својата убавина, добар пример е и докажаната пејачка, авторка и хуманистка Кристина Арнаудова.
За неа одењето во продавница со комплетен мејкап во најмала рака е смешно.
„За себе си имам фино мислење, се сакам себе си со сите мои убави и лоши страни. Си ги знам маните и одлично се носам со нив. Супер се носам со моите малку клемпави уши, мојот карактеристичен нос и специфични заби и немам намера тоа да го коригирам“, се отвори таа во една прилика.
Дека природниот изглед е повторно во мода, познатите секојдневно покажуваат. Една од нив е и Тамара Тодевска која, сепак, во едно интервју призна дека не се чувствува баш пријатно без мејкап.
„Имам кратки и густи трепки и затоа без римел не излегувам од дома. Без него како да сум без очи“, откри Тодевска.
* Текстот не смее да биде превземан без дозвола на редакцијата на МАСТИЛО.