Мештаните на едно руско село во близината на градот Новосибирск не можат да се соземат по смртта на нивната омилена сосетка, роднина и пријателка, 25-годишната Анастасија Шербинина.
Младата девојка починала откако влегла во када со мобилниот кој бил приклучен на полнач. Во еден момент телефонот ѝ паднал во водата, а струјниот удар бил фатален.
Нејзината болна мајка во соседната соба гледала телевизија. По повеќе од два часа сфатила дека ќерка ѝ се’ уште е во бањата и дека нешто не е во ред.
Соседите велат дека ваква трагедија не паметат дека се има случено во селото.
„Беше прекрасно дете. Кога порасна, се вработи во еден кол-центар. Беше вредна, се грижеше за мајка си која веќе подолго време е со дијагноза. Не ни е јасно што мислела кога со телефонот влегла во када“, во плач раскажуваат тие.
Во извештајот, полицијата нагласи дека ова може да му се случи на секого доколку не внимава, но и дека овој бизарен настан не можел да заврши поинаку.
* Текстот не смее да биде превземан без дозвола на редакцијата на МАСТИЛО.
