Славната актерка Хелен Мекрори почина на 52 години. Тажната вест ја соопшти нејзиниот сопруг, познатиот актер Демијан Луис.
– Скршено ми е срцето. Мојата преубава сопруга почина по храбра битка со ракот. Умре мирно, дома, опкружена со семејството и со пријателите – изјави тој.
Хелен играше во мегапопуларни филмови и серии. Јавноста ја памети по улогата во серијалот Harry Potter и во остварувањето за Џејмс Бонд, Skyfall. Играше и во реномираната серија Peaky Blinders која ја обожава и македонската публика.
Со Демијан, инаку ѕвезда од хит-сериите Homeland и Billions има две деца, ќерка и син.
*Текстот не смее да биде превземан без дозвола на редакцијата на МАСТИЛО