Македонскиот евровизиски тим вчера пристигна во Ротердам, а веќе денес нашиот претставник Васил Гарванлиев ја имаше и првата проба.
Реакциите на социјалните мрежи се дека имаме талентиран пејач со моќна интерпретација, а неочекувано внимание доби неговиот стајлинг.
„Блескаш од сите страни“, му порача еден фан на Гарванлиев.
Васил ќе настапи шестти по ред во првото полуфинале закажано на 18 мај.
Поради специјалните протоколи во услови на пандемија, во Холандија тој замина со мала екипа, вклучувајќи го неговиот портпарол Јелмаз Дервиши и познатата водителка Александра Јовановска.
* Текстот не смее да биде превземан без дозвола на редакцијата на МАСТИЛО.
