Познатата македонска пејачка и текстописец Туна Сејдиу стана мајка по вторпат.
Радосната вест веднаш ја сподели со своите фанови на „Инстаграм“ споделувајќи и неколку професионални фотографии од породувањето потпишани од Мартин Трајановски.
„Му се молев на Бог да ми даде маж кој секогаш ќе ме сака. Тој ме благослови со два сина. Среќен Ден на мајката! Горда мајка на Тиан и Зен“, напиша таа.
Туна, инаку ќерка на поранешниот олимписки борач Шабан Сејдиу, е дефинитивно најпопуларната пејачка кај нас од албанска националност. Таа е вистинска ѕвезда во Албанија и во Косово.
Пред повеќе од една деценија добро котираше и на домашната музичка сцена, откако се прослави во шоуто за таленти „М2-потрага по ѕвезда“.
* Текстот не смее да биде превземан без дозвола на редакцијата на МАСТИЛО.