Најозборуван криминалец на овие простори со месеци е Вељко Беливук многу попознат како Веља Неваља. Ѕверските убиства кои му се припишуваат досега беа карактеристични само за мексиканските нарко-картели и за исламските терористи, па јавноста сериозно се вознемири.
Медиумите почнаа секојдневно да копаат во минатото на Невоља, а последна работа која ја открија е големата семејна тајна која ја знаеле само неговите најблиски соработници.
Кога имал само девет години, неговиот татко извршил масакр во семејниот стан активирајќи рачна бомба. Настрадале тој, неговата сопруга Бранка и нејзината мајка Мирјана, а во станот бил и Вељко со уште едно дете за кои се’ уште е чудно како преживеале.
На социјалните мрежи може да се најдат два профила под името „Вељко Беливук“ кои се приватни и на кои има една објава. На „Фејсбук“ постои профил со истото име од 2013 година, но и таму има само една објава. Не е пронајден ниту профилот на неговата сопруга Бојана, а и немаат ниту една заедничка фотографија.
Куќа на ужасот: Кој е човекот кој сечел луѓе за Беливук?
Истрагата покажа дека на Беливук слабост му биле атрактивни жени. Повеќе старлети се осомничени дека одработувале за него, наводно пренесувале дрога, но и переле пари. Меѓу нив се и приведените Тијана Максимовиќ и Милица Живановиќ, познати како Тијана Ајфон и Мими Оро кои често ги има во медиумите.
* Текстот не смее да биде превземан без дозвола на редакцијата на МАСТИЛО.
