Македонскиот претставник Васил Гарванлиев не се пласираше во големото евровизиско финале.
И покрај моќната интерпретација и солидниот сценски настап, баладата Here I Stand која самиот ја напиша не му донесе успех на големото музичко натпреварување.
Васил сѐ уште се нема огласено по поразот, но Британецот Расел Дејвис кој е волонтерски соработник на македонската евровизиска делегација, доцна во ноќта објави две фотографии со кои ја пренесе атмосферата во нашиот тим.
Лошиот пласман на Васил вечерва дополнително ги подгреа социјалните мрежи и говорот на омраза. Македонските граѓани за миг заборавија на неговото бугарско државјанство и сега најмногу е на тапет поради неговата сексуална определба. Иако во мал број, има и такви кои му честитаа на настапот и се разочарани што нема повторно да застане на евовизискиот подиум и во сабота на 22 мај.
* Текстот не смее да биде превземан без дозвола на редакцијата на МАСТИЛО.