Состојбата на пациентката на која ѝ беше трансплантирано срце од мртов донор е стабилна и сите параметри се добри, информира министерот за здравство Венко Филипче.
Во неделата беше извршена третата трансплантација на срце кај нас, операцијата траеше пет часа, а донираното срце беше трансплантирано кај 39-годишна пациентка.
Филипче сега го откри и идентитетот на жената донор на срце и на бубрези која спаси три човечки животи. Станува збор за 40-годишната Јасмина.
„Немам зборови со кои може да ја опишам големината и човечноста на семејството Василковски кои во саботата во моменти на најголема болка, одлучи да ги донира нејзините органи. Јасмина беше мајка на десетмесечно бебе, посветена сопруга, добра сестра и снаа. Василковски се скромни луѓе, нивниот хуман и несебичен гест, никогаш нема да го заборавиме, остануваме поддршка и секогаш сме овде кога ќе треба да им се помогне“, напиша Филипче на „Фејсбук“.
* Текстот не смее да биде превземан без дозвола на редакцијата на МАСТИЛО
