Една е мајка
Милица Тодоровиќ гостуваше во телевизиското шоу „Шок Ток“ и никој не очекуваше дека до толку ќе ја совладат емоциите кога во емисијата се вклучи и нејзината мајка.
Јасмина им откри на гледачите досега непознати детали за животот и кариерата на славната ќерка.
„Се случуваше трипати неделно да патува за Белград, се случуваше да немаме пари, да немаме каде да преспиеме кога ќе завршеше натпреварувањето. Милица сака да запее во својот роден град, но никој ја нема покането. Јас би сакала да запее на нашиот плоштад, затоа што таа тоа го заслужила. Желба ми е да се реализира и како мајка. Сакам уште внучиња“, раскажа мајката на популарната 30-годишна пејачка.
По овој говор, Милица не можеше да ги сопре солзите.
„Имаше моменти кога спиев кај Јована Пајиќ, кога немав каде. Мајка ми е прекрасна, ја обожавам. Јас бев вредна и најдобра на училиште. Не ми беше лесно, луѓето често знаеја да искоментираат дека сум „машкуданка“, дека не знам да се однесувам како дама. Тие не знаат дека тоа беше мојот механизам за одбрана“, изјави Тодоровиќ.
Фото: Принтскрин Прва ТВ
* Текстот не смее да биде превземан без дозвола на редакцијата на МАСТИЛО
