Пријатели, колеги, ученици и клиенти со неверување ја примија веста за смртта на Здравко Јовановски кој по кратко боледување почина денес, информира „Струмица денес“.
Јовановски долги години бил соработник на овој портал, а во својот град е познат и како успешен тренер и наставник по физичко образование.
„Беше ведар и вечно насмеен човек, низ животот се движеше со мотото дека живее да ги направи другите среќни и задоволни со себе. Здравко беше движечка харизма, пријател со секого, секому му ја поддаваше својата рака. Активно се залагаше за промоција на здравиот начин на живот кај младите и така успеа да промени многу животи. Затоа луѓето неизмерно го сакаат и почитуваат“, велат неговите соработници.
Јовановски беше сопруг и татко на две деца.