Почина Оливер Ташев, професор по историја и поранешен претседател на Унијата на млади сили на ВМРО-ДПМНЕ во Гевгелија.
Неговите ученици, но и колеги се скршени од болка по трагичната вест.
„Наставнику мил, почивајте во мир, многу ми е жал што од септември нема да бидете со нас.. Секогаш ќе се сеќавам на вашиот ведар лик и насмевка, на вашите топли и искрени совети.. Ќе ни недостасувате.. Нека ви е светол патот до небеската шир“, напиша негова ученичка.
Се огласија и од УМС на ВМРО-ДПМНЕ О.К. Гевгелија.
– Со разочарување и тага ја примивме најлошата вест дека изгубивме член од семејството на ВМРО ДПМНЕ. Како сопруг, татко, професор по историја, поранашен претседател на ОК-УМС-Гевгелија, беше човек кој се бореше и застануваше во првите редови со нас младите, а ние како членови на УНИЈА НА МЛАДИ СИЛИ НА ВМРО ДПМНЕ бевме горди дека имаме човек кој ни кажува и раскажува што е патриотизам како да ја градиме и сакаме РЕПУБЛИКА МАКЕДОНИЈА. А ние ќе им раскажуваме на идните генерации на УМС каков професор сме имале во семејството на ВМРО-ДПМНЕ. ПОЧИВАЈ ВО МИР ДРАГ ПРОФЕСОРЕ ОЛИВЕР ТАШЕВ – стои во нивната објава на „Фејсбук“.
* Текстот не смее да биде превземан без дозвола на редакцијата на МАСТИЛО