Симптомите кои се третираа како најчести кога е во прашање коронавирусот беа покачена температура и губење на чувството за вкус и мирис.
Британските научници нагласуваат дека индикаторите за Ковид-19 сега се нешто поинакви од почетокот на пандемијата.
Со појавата на новиот Делта сој, најчесто пријавувани симптоми кај заразените се кашлица, главоболка и необјаснив замор.
Последното истражување е направено на универзитетскиот колеџ во Англија, предводено од д-р Алекс Крос. Тој нагласува дека заразените кои претходно се вакцинирале, во речиси 100 отсто случаи имале благи симптоми.
„Со појавата на новите соеви на вирусот,различни се и симптомите, па неопходни се постојани истражувања. Првите знаци на болеста се менуваат со новите варијанти и се различни кај младата популација која сега е најизложена на зараза“, заклучува д-р Крос.
Преку 60 отсто од тестираните кои имале некој од трите симптоми, се испоставило дека се заразени со Ковид-19. Дури 42 отсто од нив имале силна кашлица, 39 отсто пријавило главоболка, а 38 отсто се пожалило на замор, пренесува „Дејли мејл“.
Фото: Шатерсток
* Текстот не смее да биде превземан без дозвола на редакцијата на МАСТИЛО