Елена Велевска одлучи да открие нови детали за приватниот живот.
Познатата фолкерка призна дека не живее со своите три деца Софија, Калија и Марко кои ги има од бракот со бизнисменот Марјан Мирчески.
„Многу е потешко сега нашето гледање, бидејќи тие се во Охрид, а јас сум во Прилеп. Но, ете, така се одлучи до некаде, не е ништо завршено со нашето судење, но можеби најдобро за да не се прават стресови е да останат таму, бидејќи во Охрид се израснати“, вели таа за естрадниот магазин „Бекстејџ“.
Велевска објаснува дека со поранешниот сопруг секогаш ја гледаат најдобрата страна за нивните деца.
„Јас и тој не сме повеќе во брак. Многу подобро функционираме разведени, можеби тоа било и формулата за да секој биде среќен. Факт е дека ние имаме три деца и заради нив подобро е да отанеме во добри односи. Сепак има поважни животи од мојот и од неговиот“, искрена е пејачката.
Велевска пред неколку години го обвини Мирчески за семејно насилство. Тој, пак, подоцна тврдеше дека Елена има нарушена здравствена состојба и дека е опасна за околината.
Во февруари минатата година најави дека ќе направи сѐ што може да ѝ помогне, но и дека до крај ќе се бори за старателството над нивните три деца.
Елена и Марјан беа повеќе од десет години во брак. Велевска го запозна Мирчески на една од нејзините турнеји во Австралија. Ѝ се случила љубов на прв поглед, раскажа таа во едно интервју.
Марјан, покрај трите деца со Велевска има возрасни ќерка и син, кои живеат во Австралија со неговата прва сопруга.
Ј.П.
* Текстот не смее да биде превземан без дозвола на редакцијата на МАСТИЛО.