Секогаш кога ќе се појави на јавен настан, сопругата на Христијан Мицкоски предизвикува внимание.
Поубавата половина на лидерот на ВМРО-ДПМНЕ не е активна на социјалните мрежи.
Рози Мицкоска веќе 15 години е професорка по македонски јазик во гимназијата „Орце Николов“.
Таа е родена струмичанка, а во Скопје е од 1996 година, кога дошла да студира. Со Христијан се заедно уште од студентските денови, а врската ја крунисале со брак во 2005 година.
– Се омажив за инженер, магистер на Машински факултет. Сега живеам со професор на Машинскиот факултет и политичар. Иако е огромен предизвик, се надевам дека успешно се снаоѓам во таа улога. Сега, како жена на политичар не ми е потешко од претходно, има повеќе обврски, но секако и повеќе предизвици – изјави Мицкоска за „Вечер“.
Како интересен момент од нивната долгогодишна врска го издвојува оној кога Христијан доброволно се пријавил да служи војска во 2004 година, а дури отпосле ѝ го соопштил тоа.
Круна на нивната љубов се синовите Јован и Антони.
* Текстот не смее да биде превземан без дозвола на редакцијата на МАСТИЛО.
