Снимката со преплашени патници заробени во метро јасно ги покажува последиците од катастрофалните поплави во централна Кина, јавуваат светските агенции.
Најмалку 18 луѓе загинаа во покраината Хенан, а досега се евакуирани преку 100.000 жители од пониските делови на градот.
На видеата кои се поставуваат на социјалните мрежи може да се видат нереални сцени од поплавените вагони.
„Ова е како да се снима хорор-филм“, се слуша на снимката како зборува еден човек во метрото“, пренесува „Њујорк тајмс“.
На други видеа се гледа потопен подземен трговски центар, но и очајнички обиди на луѓето со импровизации да си го спасат сопствениот живот.
Илјадници пожарникари и припадници на војската се распоредени во зоната на катастрофата. Многу луѓе се заробени во згради и хотели. Напорите за спасување се’ уште траат.
Фото: ЕПН Њузком/Принтскрин
* Текстот не смее да биде превземан без дозвола на редакцијата на МАСТИЛО.