Нова трагедија ја потресе светската шоубизнис индустрија.
Уште еден актер прерано го напушти овој свет.
Австралискиот глумец Дитер Брумер почина на 45-годишна возраст, а тажната вест на „Фејсбук“ ја потврди неговиот пријател Стив Коми.
„Трогателна информација. Изгубивме личност со слободен дух. Прерано. Беше премлад“, напиша тој споделувајќи фотографија од актерот.
„Мирор“ пишува дека Брумер е пронајден мртов во својот стан во Сиднеј, а полицијата им потврди на странските медиуми дека неговата смрт не се третира како сомнителна и дека наскоро ќе биде објавен и официјален извештај.
Дитер се прослави по улогата во телевизиската серија Home and Away во која глумеше од 1992 до 1996 година.
Подоцна глумеше во филмовите Tom`s Funeral и The Finder, во сапуницата Crash Palace, а беше дел и од реалното шоу Celebrity Circus.
Фото: Принтскрин Јутјуб/Фејсбук
*Текстот не смее да биде превземан без дозвола на редакцијата на МАСТИЛО.
