Лилјана Миткова од Кочани е 52-годишната жена која пред неколку дена се породи во болницата „Мајка Тереза“ во Скопје.
Миткова и бебето се чувствуваат добро. Таа испрати силна порака дека упорноста носи успех и дека секоја жена која сака да биде мајка треба да биде упорна.
На средбата со градоначаникот на Кочани, Николчо Илијев, повика секоја жена во поодминати години која сака да биде мајка само да има добра мисла и да не отстапува од зацртаната цел.
Лилјана се заблагодари на професионалниот ангажман и пред сѐ на човечкиот приод на целиот тим од болницата „Мајка Тереза“ во Скопје, пренесува официјалниот сајт на Општина Кочани.