Почина Ристо Фотевски, еден од основачите на Мобилност Скопје.
Тажната вест ја потврдија и од Здружението на лица со телесен инвалидитет.
„Беше вреден учесник во сите активности, борец за правата на огранокот Параплегија, дружељубив.. Почивај во мир пријателе“, напишаа неговите пријатели на „Фејсбук“.
„Беше добар другар со големо срце“, е еден од поемотивните коментари под објавата.
Ристо повеќе од четири децении беше врзан за инвалидска количка. Настрадал по скокање во море во 1978 година во Црна Гора. Во едно интервју кажа дека успеал да се опорави од повредата на вратот, но останал инвалид.
Беше редовен учесник на средбите на инвалидизираните лица, а уживаше да игра шах и пинг-понг.
Фото: Фејсбук
*Текстот не смее да биде превземан без дозвола на редакцијата на МАСТИЛО.
