Почина оперската пејачка Синтија Хансел-Бакиќ, примадона на сплитскиот ХНК и реномирана професорка, соопшти нејзиното семејство.
Родена е во САД на 7 јуни 1949 година, а студирала пеење на New England Conservatory of Music во Бостон.
Во Хрватска се преселила во 1971 година, а освен по нејзиниот уметнички и педагошки придонес, луѓето ќе ја памтат и по нејзината несебична хуманитарна работа за време на војната, стои во официјалната објава за нејзината смрт.
Хансел-Бакиќ беше редовна професорка на Музичката академија во Загреб, а предаваше и на Музичката академија во Сплит.
Кога е операта во прашање, во својата богата кариера одигра повеќе од 60 главни улоги.
Фото: Принтскрин/Јутјуб
* Текстот не смее да биде превземан без дозвола на редакцијата на МАСТИЛО.