Жената е во екстремно лоша состојба. Се стопи, не личи на себе. Нема ни 40 килограми, вели д-р Предраг Савиќ за Марина Туцаковиќ која во вторникот беше итно хоспитализирана.
Покрај тешката малигна болест со која се бори со години, коронавирусот дополнително ѝ го влоши здравјето на дамата која ги напиша стиховите на најголемите музички хитови во регионот.
Во меѓувреме, повторно се огласи и нејзиниот син Милан Радуловиќ.
„Колку и да не сум конзервативен, во овие моменти ја сфаќаш вистината за она клише дека семејството е се’ во животот“, напиша тој на „Твитер“.
Туцаковиќ пред осум месеци проговори за ракот. Изјави дека стравува за својот живот, но дека не се предава.
„Многу ми е лошо, постојано лежам. Се плашам.. Тоа е нормално чувство. Мојата борба трае со години, не може да заврши преку ноќ. Постојано ми ја менуваат терапијата, мојот организам можеби повеќе не е доволно силен за сето тоа да го издржи. Ама, не се давам“, раскажа таа.
* Текстот не смее да биде превземан без дозвола на редакцијата на МАСТИЛО