„Болка до небо“, „Трагедија“, „Ах, каква судбина“ се само дел од коментарите на „Фејсбук“ за семејната трагедија што го потресе регионот
Не стивнуваат реакциите по смртта на 19-годишната Милица Никиќ од Никшиќ, најмладата жртва на коронавирусот во Црна Гора.
Пред само 20 дена од последици на Ковид-19 се упокои и нејзината мајка. За трагедијата да биде уште поголема, починат е и татко ѝ, па сега нејзиниот малолетен брат Веселин остана сам.
Оваа тажна приказна оддекна на социјалните мрежи во регионот.
„Го познавам семејството и знам дека беше многу религиозно. Сега црквата му е најпотребна на детето кое остана сираче. Сите луѓе со добра волја да му помогнат на ова момче, да се најде фамилија која ќе се грижи за него. Живееја сиромашно, но барем се имаа еден со друг. Што сега? Да останеме соседи, сограѓани, браќа и сестри на Христа“, напиша еден од семејните пријатели на Никиќ.
И други апелираат дека сега е најпотребно да покажеме дека сме луѓе, да покажеме дека сме тука за послабите кога најмногу сме им потребни.
Фото: Фејсбук
*Текстот не смее да биде превземан без дозвола на редакцијата на МАСТИЛО.
