Трагичната вест дека познатиот холивудски актер Алек Болдвин на филмски сет случајно ја застрела 42-годишната директорка на фотографија Халина Хачинс ги шокира светските медиуми.
Болдвин кој пукал од реплика на пиштол на снимањето во Ново Мексико и во бизарната несреќа го ранил и режисерот Џоел Соуза, конечно се огласи по инцидентот.
„Немам зборови кои можат да ги опишат шокот и тагата по случајната несреќа која ѝ го одзеде животот на Халина Хачинс, сопруга, мајка и наша колешка на која ѝ се восхитуваме. Целосно соработувам со полицијата за истрагата која треба да открие како се случи оваа трагедија. Во контакт сум со нејзиниот сопруг, тој и неговото семејство имаат комплетна поддршка од мене. Моето срце е скршено поради нејзиниот маж, нејзиниот син и сите оние кои ја познаваа и ја сакаа Халина“, напиша Болдвин на социјалните мрежи.
Истрагата допрва треба да покаже како се нашле вистински куршуми во пиштолот кој бил користен како реквизит на снимањето на филмот Rust.
Фото: Ендрју Гомберт/ЕПА
* Текстот не смее да биде превземан без дозвола на редакцијата на МАСТИЛО.
