Американскиот актер Џејмс Мајкл Тајлер, најпознат по улогата во култната серија „Пријатели“, почина на 59-годишна возраст.
Славниот Гантер починал мирно, во неговиот дом во Лос Анџелес, наведе во соопштението неговиот менаџер.
На Тајлер во 2018 година му беше дијагностициран рак на простата во напредна фаза, кој подоцна му се прошири на коските. Сакајќи да им помогне на што повеќе луѓе, одлучи храбро да ја сподели својата приказна.
Неговиот лик во една од најгледаните серии на сите времиња според многумина беше најдобрата епизодна улога на малите екрани.
Во мај, тој кратко преку ЗУМ се појави во специјалната епизода на „Пријатели“.
„Искрено, тоа беа највпечатливите десет години во мојот живот. Не можев да замислам подобро искуство. Сите беа фантастични и едноставно беше задоволство да се работи со нив. Се чувствував многу посебно“, кажа актерот во таа прилика.
* Текстот не смее да биде превземан без дозвола на редакцијата на МАСТИЛО
